Jóladagatal Minjasafnsins - 23. desember

Á mörgum heimilum eru jóla- og nýárskveðjurnar í útvarpinu ómissandi partur af jólahaldinu.

Frá því árið 1932 hefur Ríkisútvarpið sent út jóla- og nýárskveðjur á Þorláksmessu og voru þær upprunalega ætlaðar þeir sem voru fjarri heimahögum sínum. Jólakveðjunum fór sífjölgandi og nýtur það enn mikilla vinsælda að senda kveðju á þennan hátt. Gripur dagsins í dag er útvarp af gerðinni Phillips og kemur úr búi Jónasar Péturssonar í Fellabæ. Ekki er ólíklegt að hlustað hafi verið á nokkrar jólakveðjur úr því í gegnum árin og jafnvel jólamessur. Útvarp þetta má sjá með eigin augun í jólastofunni okkar hér á Minjasafninu!

Nánari upplýsingar um gripinn á Sarpi

Ýttu hér til að sjá fleiri gripi úr jóladagatalinu.