Velkominn þorri og gleðilegan bóndadag!

 Vissuð þið...

 ...að á þessum degi var til siðs að húsfreyjan biði þorra velkominn og að gert væri vel við heimilisfólk í mat og drykk?

 ...að þó fyrsti dagur þorra hafi lengi verið tileinkaður bóndanum kom heitið "bóndadagur" fyrst fram í þjóðsögum Jóns Árnasonar um miðbik 19. aldar? 

...að þorri er persónugerður sem vetrarvættur í sögum frá miðöldum?

...að á síðara hluta 19. aldar fóru mennta- og embættismenn að tíðka samkomur sem þeir kölluðu "Þorrablót" að fornum hætti. Slíkar samkomu lögðust eftir aldamótin í kaupstöðum en höfðu þá borist í sveitirnar?

...að elsta dæmi sem fundist hefur um þorrablót í sveit er blót sem haldið var á Egilsstöðum í Vallahreppi annað hvort árið 1896 eða 1897?

(Heimild: Árni Björnsson, Saga daganna, bls 433 og 467. Mynd: Vísindavefurinn)