Árleg Bókavaka Safnahússins verður haldin fimmtudaginn 29. nóvember og hefst hún kl. 17:00. Að venju verður áherslan á austfirska útgáfu og bækur eftir höfunda búsetta í fjórðungnum. Þeir sem lesa úr verkum sínum eru Steinunn Kristjánsdóttir (Sagan af klaustrinu á Skriðu), Vilhjálmur Hjálmarsson (Glettur og gamanmál), Unnur Birna Karlsdóttir (Það kemur alltaf nýr dagur), Helgi Hallgrímsson (Leiðarljós. Minningarrit um Laufeyju Ólafsdóttur) og Sigrún Björgvinsdóttir (Handan við ljóshraðann). Þá kynnir Arndís Þorvaldsdóttir aðrar bækur sem hafa komið út á árinu og tengjast Austurlandi.

Athygli skal vakin á því að bókavakan er haldin síðdegis en ekki að kvöldi til eins og hefð er fyrir.