Stefnumót við skógarsamfélag
Þátttakendur alþjóðlegu vinnustofunnar Stefnumót við skógarsamfélag, heimsóttu Minjasafnið í dag.
Vinnustofan er haldin á vegum SAM-félagsins, grasrótarsamtaka skapandi fólks á Austurlandi í samvinnu við hönnunarteymið Megan Urban og Jason Dilworth frá Designers & Forests í Bandaríkjunum en þau eru aðstoðarprófessorar í grafískri hönnun við Fylkisháskólann í New York State. Á vinnustofunni er unnið með hulin verðmæti skógarsamfélagsins þar sem mannauður, hráefni og menningararfleifð er útgangspunktar.
Heimsóknin á Minjasafnið tengdist síðastnefnda punktinum, þ.e. menningararfleifðinni. Á safninu skoðuðu þátttakendur margvíslega gripi úr safnkostinum sem tengjast viðfangsefnum vinnustofunnar svo sem útskorna listmuni og nytjahluti úr tré. Heimsóknin mun síðan vonandi nýtast þátttakendum sem innblástur þegar kemur að hönnun og sköpun afurða úr austfirskum skógum.
Nánari upplýsingar um vinnustofuna má finna hér.
Síðustu fréttir
Gripir fjallkonunnar aftur á heimaslóð
Sýningin Landnámskonan var formlega opnuð í Minjasafni Austurlands 9. júní síðstliðinn að viðstöddu fjölmenni. Þar má sjá forngripi sem aldrei hafa verið sýndir áður opinberlega, m.a. gripi sem til...
Landnámskonan - sumarsýning Minjasafnsins
Konur eru viðfangsefni sumarsýninga þriggja safna í Múlaþingi sem opnaðar verða núna í júní. Á sýningu Minjasafnsins verður sjónum beint að landnámskounnni og þar verða m.a. sýndir forngripir sem a...
Safnasóknin á Austurlandi
FÍSOS, félag íslenskra safna og safnafólks, stendur um þessar mundir fyrir fundaröð um landið undir yfirskriftinni Safnasóknin. Fyrsti fundur sóknarinnar fór fram á Egilsstöðum á dögunum en þangað ...