Í dag var mikið um að vera á Minjasafninu þegar stór hluti safnkostsins var fluttur í nýtt varðveislurými. 

Geymslur Minjasafnsins í Safnahúsinu eru fyrir löngu sprungnar og var það farið að hamla starfsemi safnsins á margvíslegan máta. Nýverið fékk Minjasafnið leigt nýtt varðveislurými að Tjarnarási á Egilsstöðum en það rými var hugsað fyrir stóra og síður viðkvæma gripi. Eftir endurbætur á húnæðinu var ekkert því til fyrirstöðu að flytja þangað muni en ljóst var að liðsauka þyrfti í verkefnið enda það ekki af smærri gerðinni. 

Í dag mætti síðan vösk sveit frá björgunarsveitinni Jökli með bíl og skotbómulyftara og fluttu þau gripina í nýja varðveislurýmið undir dyggri stjórn safnvarða sem sáu til þess að allir munir færu á rétta staði og upplýsingar um þá væru á vísum stað. Þátttaka björgunarsveitarinnar í verkefninu var liður í fjáröflun hennar og kunnum við þeim bestu þakkir fyrir að leysa það hratt og vel af hendi. 

Myndirnar tala sínu máli: