Skip to main content

Lokað vegna ráðstefnu

26. september 2017

Minjasafnið verður lokað dagana 27.-29 september vegna þátttöku starfskvenna í Farskóla safnmanna á Siglufirði.

Farskóli FÍSOS (Félags íslenskra safna og safnmanna) er þriggja daga ráðstefna sem hefur verið haldinn árlega síðan 1989. Farskólinn er mikilvægur vettvangur endurmenntunar og samstarfs meðal íslenskra safna en þar flytja innlendir og erlendir fyrirlesarar erindi og safnmenn ræða margvísleg málefni í vinnustofum. Aðalfundur FÍSOS er jafnframt haldinn við þetta tækifæri sem og árshátíð félagsins. 

Að þessu sinni fer Farskólinn fram á Siglufirði og er yfirskrift hans að þessu sinni Söfn í stafrænni veröld. Undanfarna áratugi hefur tækniþróun fjölgað möguleikum safna til miðlunar svo um munar. Íslensk söfn hafa tileinkað sér ólíkar og fjölbreyttar leiðir til að miðla þekkingu og fróðleik. Á Farskólanum í ár verður horft til áskorana, ógnana og nýrra möguleika í því samhengi. Hvernig getum við nýtt okkur tæknina til framþróunar og vaxtar? Getur tæknin dregið úr upplifun gesta á sýningum? Hvernig getum við nýtt okkur tækni nútímans til þess að átta okkur á ráðgátum fortíðar og tryggja varðveislu gripa og muna til framtíðar? Nánari upplýsingar um Farskólann má finna hér.

Mynd: Síldarminjasafn Íslands

 

 

 

Síðustu fréttir

Öskupoka- og bolluvandasmiðja
12. febrúar 2024
Það var handagangur í öskjunni og líf í tuskunum í Safnahúsinu á dögunum þegar Minjasafnið, Bókasafn Héraðsbúa og Soroptimistaklúbbur Austurlands stóðu saman að öskupoka- og bolluvandasmiðju. Þar v...
Minjasafnið hlýtur styrki úr Safnasjóði.
26. janúar 2024
Á dögunum var úthlutað styrkjum úr aðalúthlutun Safnasjóðs við hátíðlega athöfn húsnæði Listasafns Íslands í Safnahúsinu við Hverfisgötu. Minjasafn Austurland hlaut tveggja milljóna króna styrk í v...
Fjölbreytt afmælisár að baki.
10. janúar 2024
Nú þegar enn eitt árið hefur runnið sitt skeið er ekki úr vegi að staldra við og líta yfir farinn veg. Nýliðið ár var Minjasafni Austurlands gott, starfsemin var fjölbreytt og gestafjöldi með mesta...