Á þriðju hæð Safnahússins hefur nú verið sett upp snyrtistofa þar sem til sýnis eru alls konar fyrri tíma nýungar og nauðsynjar fyrir bæði dömur og herra. 

Hver man ekki eftir carmen-rúllunum og Sól sápunni? Að ekki sé nú talað um Ronson hárþurrkurnar sem voru hvorki meira né minna en "óskadraumur eiginkonunnar" ef marka má auglýsingar frá sjöunda áratug síðustu aldar. Þá má ekki gleyma háfjallasólinni sem þótti allra meina bót fyrir unga sem aldna.

Eflaust vekja gripirnir upp minningar hjá mörgum. Sumir þessara hluta eru notaðir enn í dag á meðan tímans tönn hefur ekki farið eins mjúkum höndum um aðra.

Sýningin stendur yfir til loka nóvember.