Ársskýrsla Minjasafns Austurlands fyrir árið 2020 er komin á vefinn.

Í skýrslunni er farið yfir starfsemi safnsins á þessu undarlega ári sem einkenndist öðru fremur af óvissu, lokunum og frestuðum verkefnum. Þrátt fyrir það var starfsemin fjölbreytt og heilmikið um að vera. Ýmsir áfangar náðust í skráningu og ráðist var í nýtt skráningarverkefni utan veggja safnsins. Heimsfaraldurinn leiddi líka af sér ný verkefni eins og samtímasöfnunarverkefnið Austurland á tímum kórónuveirunnar sem miðaði að því að safna ljósmyndum af ástandinu auk þess sem stafræn miðlun var efld með vefsýningum og ýmsum fróðleik. Þá var verkefni sem safnið kom að tilnefnt til Íslensku safnaverðlaunanna sem var afar ánægjulegt og mikill heiður.  

Hægt er að nálgast ársskýrsluna hér. Eldri ársskýrslur og fleiri göng má nálgast í gagnasafninu sem finna má undir liðnum "Um safnið" hér efst á síðuna.