Á dögunum litu góðir gestir við hér á Minjasafni Austurlands en þar var á ferð rektor Háskóla Íslands, starfsfólk rannsóknarsetra Háskólans og fleiri gestir tengdir skólanum. Tilefni heimsóknarinnar var ársfundur rannsóknarsetranna sem fram fór í Valaskjálf sama dag. Gestirnir fengu kynningu á starfsemi safnsins auk þess sem Unnur Birna Karlsdóttir, fyrrverandi safnstjóra safnsins og núverandi forstöðumanni rannsóknarseturs HÍ á Austurlandi, sagði frá tilurð og gerð sýningarinnar Hreindýrin á Austurlandi. Að því loknu skoðuðu gestirnir sýningar safnsins. 

Rannsóknarsetur Háskóla Íslands eru níu talsins og eru staðsett víðsvegar um landið. Markmið þeirra er að stuðla að rannsóknum og leiðbeiningu framhaldsnema víða um land og vera um leið vettvangur samstarfsverkefna háskólans við nærumhverfi og nærsamfélag setranna. Minjasafn Austurlands hefur í gegnum tíðina átt í góðu samstarfi við rannsóknarsetrið á Austurlandi um ýmis verkefni og afar ánægjulegt að fá tækifæri til að hitta annað starfsfólk setranna og kynna starfsemi safnsins fyrir þeim.