Safnfræðsla Minjasafns Austurlands var á faraldsfæti í dag í tilefni af fyrsta degi þorra. Leikskólarnir Hádegishöfði í Fellabæ og Tjarnarland á Egilsstöðum voru heimsóttir og þar tóku elstu nemendur skólanna á móti starfskonu safnsins. Með í för var þorrakistan góða sem geymdi margvíslega muni sem tengjast lífi fólks hér áður fyrr. Í heimsókninni var meðal annars spjallað um matinn sem fólk borðaði í gamla daga, fötin sem þau notaði og hvernig það nýtti það sem landið og náttúran gaf. Heimsóknirnar voru hluti af hátíðarhöldum leikskólanna í tilefni af þorra og þar sköpuðust afar skemmtilegar umræður um daglegt líf í fortíð og nútíð.