Í tilefni af alþjóðlega safnadeginum í næstu viku mun safnið, í samstarfi við Soroptimistaklúbb Austurlands, bjóða upp á opna fataviðgerðarsmiðju þriðjudaginn 16. maí kl. 15-17. Allir sem hafa áhuga á að fá leiðsögn við að laga og bæta textíl eru velkomnir og hvetjum við fólk til að mæta með fatnað sem þarfnast viðgerðar. Saumavél og viðgerðarefni og áhöld verða á staðnum.

Einnig stillum við fram gripum í sýningarskápnum á 3. hæð Safnahússins sem eiga það sameiginlegt að hafa gengið í endurnýjun lífdaga. Um er að ræða hluti úr safnkosti safnsins sem voru annaðhvort bættir eftir mikla notkun eða þeim breytt þannig að þeir öðluðust nýtt hlutverk. Sýningin er vitnisburður um ótrúlega nýtni og hugvitsemi fólks hér áður fyrr þegar fólk átti færri hluti og notuðu þá til hins ýtrasta.