Fjallkonan 2023: Karólína Andrésdóttir
![](/templates/yootheme/cache/46/20230620_fjallkona-46c5e011.jpeg)
Íbúar Fljótsdalshéraðs héldu þjóðhátíðardaginn hátíðlegan í einstakri veðurblíðu þetta árið en hitinn var í kringum 26 stig þegar mest var. Hátíðardagskrá dagsins fór fram í Tjarnargarðinum þar sem ungir sem aldnir skemmtu sér saman fram eftir degi. Einn af hápunktum dagskrárinnar var, venju samkvæmt, þegar fjallkonan steig á svið en mikil leynd hvílir jafnan yfir því hver bregður sér í það hlutverk hverju sinni. Í ár var það Karólína Andrésdóttir sem klæddist kyrtlinum græna og flutti ljóðið Íslandsljóð eftir Tómas Guðmundsson.
Minjasafn Austurlands varðveitir kyrtilbúninginn sem fjallkonan á Fljótsdalshéraði klæðist á þjóðhátíðardaginn. Kyrtilinn gaf kvenfélagið Bláklukka Egilsstaðabæ árið 1997 í tilefni af 50 ára afmæli sveitarfélagsins. Búningurinn var sniðinn af Láru Elísdóttur klæðskera; Margrét Björgvinsdóttir saumaði hann og bróderaði mynstrið; Sveinbjörg Sveinbjörnsdóttir orkeraði blúndur í hálsmál og framan á ermar og Helga Þórarinsdóttir saumaði höfuðbúnaðinn.
26 konur hafa klæðst búningnum síðan hann var tekin í notkun árið 1997. Lista yfir þær má sjá hér en eitt nafn vantar enn á listann og þiggjum við með þökkum allar ábendingar og leiðréttingar.
Síðustu fréttir
![](/templates/yootheme/cache/b0/2024_landnamskonan-b07c6d3f.jpeg)
Gripir fjallkonunnar aftur á heimaslóð
![](/templates/yootheme/cache/af/2024_konur-af17d6a4.jpeg)
Landnámskonan - sumarsýning Minjasafnsins
![](/templates/yootheme/cache/de/2024_safnasokn-deb04797.jpeg)