Sumarsýningin Ferðalög fyrr á tímum var opnuð 17. júní síðastliðinn í Krubbunni, sýningarrými í sýningarsal Minjasafnsins.

Á sýningunni er að finna framsetningu muna sem skapa sviðsmynd tjaldferðalags í íslenskri náttúru fyrr á tímum. Í dag þykja okkur ferðalög sjálfsagður hluti af nútímalífstíl en það er í raun er ekki langt síðan að þau voru aðallega iðkuð í þeim tilangi að komast á milli staða af praktískum ástæðum. Lítill frítími og lélagar samgöngur höfðu þar megin áhrif. Þó eru til einstaka heimildir um bæði Íslendinga og útlendinga sem nutu þess að ferðast um íslenska náttúru hvort sem það voru lengri eða styttri ferðir í nærumhverfi og eru dæmi um slíkar heimildir dregin fram á sýningunni. Sýningin stendur í allt sumar.

Sýningin er styrkt af menningarsjóði Múlaþings og ljósmyndir á veggspjöldum eru fengnar að láni hjá Héraðsskjalasafni Austfirðinga.

Mynd: Frá opnun sýningarinnar á 17. júní. Hanna Christel Sigurkarlsdóttir segir frá tilurð sýningarinnar en hún hafði veg og vanda af hönnun hennar og uppsetningu.