Í dag, 9. október, eru liðin 80 ár frá því að Minjasafn Austurlands var formlega stofnað á fundi á Hallormsstað. Stofnaðilar voru Búnaðarsamband Austurlands, Samband austfirskra kvenna og Ungmenna- og íþróttasamband Austurlands. Síðar bættust Menningarsamtök Héraðsbúa í hópinn og loks sýslunefndir Múlasýsna. Á fundinum var gengið frá stofnskrá og kosin stjórn en hana skipuðu þau Gunnar Gunnarsson, Sigrún P. Blöndal og Þóroddur Guðmundsson.

Mikið vatn hefur runnið til sjávar síðan þá og margs að minnast. Í tilefni afmælisins ætlum við að birta daglegar færslur á samfélagsmiðlum safnsins næstu 80 daga þar sem fjallað er um fjölbreytta starfsemi þess á þessum 80 árum. Hægt verður að fylgjast með á Facebook og Instagram síðum safnsins.