Gripur mánaðarins
![](/templates/yootheme/cache/8d/20200130-8dfbf4b4.jpeg)
Gripur mánaðarins - Febrúar
Nú hefur janúarmánuður runnið sitt skeið og sólin fer ört hækkandi á lofti, öllum til ánægju. Þá er ekki úr vegi að njóta þess sem veturinn hefur upp að bjóða með því að skella sér á skíði eða jafnvel skauta. Gripur mánaðarins tengist skautaíþróttinni einmitt, en hann var notaður þegar það tíðkaðist að skauta á Lagarfljótinu. Gripurinn er svokallað skautasegl, að öllum líkindum heimasaumað, og samanstendur það úr tveimur sívölum trésköftum, 2,04 m og 2,10 m á lengd, og segli úr hvítu þéttu lérefti sem er margbundið við stangirnar. Með fylgir þverslá, 2,70 m á lengd, sívöl og mjókkar til beggja enda. Segið kemur úr búi Sveins Jónssonar (1893-1981) og Sigríðar Fanneyjar Jónsdóttur (1894-1998) á Egilsstöðum. Sveinn var góður skautamaður og notaði seglið er hann renndi sér á ís á Lagarfljótinu í góðum byr. Ásdís dóttir hans (1922-1991) mundi eftir að hafa setið á handlegg hans en með hinni hendinni hélt hann á seglinu og brunuðu þau eftir ísnum. Eitt sinn mun Sveinn hafa rennt sér upp í Hallormsstað með seglið.
Nánari upplýsingar um gripinn á Sarpi.
Ýtið hér til að sjá fleiri gripi mánaðarins.
![](/templates/yootheme/cache/6b/20200103-6b4981da.jpeg)
Gripur mánaðarins - Janúar
Eftir langt og ljúft jólafrí hefst skólinn aftur. Allt gengur sinn vanagang. Gripur janúarmánaðar tengist einmitt skólagöngu en það er þessi dásamlega skólataska sem kemur frá Múla 2 í Álftafirði.
![](/templates/yootheme/cache/66/20191201_gripurman-666481c4.jpeg)
![](/templates/yootheme/cache/a3/20191021_gripur_manadarins_nov-a3a444c0.jpeg)
Gripur mánaðarins - Nóvember
Á veturna, þegar erfitt var að fara á milli staða á hestum, var gott að geta gripið í skíðin.
![](/templates/yootheme/cache/98/20191021_gripur_manadarins-98a57ff3.jpeg)
Gripur mánaðarins - Október
Ullin hefur haldið hita á Íslendingum alveg frá því að land byggðist.